Se tu vèns cassù ta cretis,
là che lor mi àn soteràt,
a l’è un splàz plen di stelutis,
dal mio sanc l’è stàt bagnat.

Par segnal une crosute
jè scolpìde lì tal cret,
fra chès stelis nas l’arbute,
sot di lor jò duar cujet.
Fra chès stelis nas l’arbute,
sot di lor jo duar cujet.

Ciol su ciol une stelute,
je à riquarde il nestri ben;
tu j daras ‘ne bussadute,
e pò platile tal sen.

Quant che a cjase tu ses sole
e di cur tu preis par mè,
il mio spirt atòr ti svole :
jò e la stele sìn cun tè.
Il mio spirt atòr ti svole:
jò e la stele sin cun tè